Қазақ тілі мен әдебиеті пәні "Руханият" бірлестігінің "Еңбегі адал-жас өрен жобасы" аясында "Білімдіден шыққан сөз, талаптыға болсын кез!" тақырыбындағы айлығы салтанатты түрде ашылды. Мектеп-гимназия директоры Т. Сарсенбаев ұстаздар мен оқушыларды құттықтап,сәттілік тіледі. Бұл айлық –тіліміздің мәртебесін көтеріп, қазақ сөз өнерінің тереңдігін ұғынуға бағытталған игі бастама.
Қазақ тілі – ұлтымыздың асыл қазынасы, бабаларымыздың ғасырлар бойы жинаған рухани мұрасы. Ал қазақ әдебиеті – халқымыздың тарихы мен мәдениетінің айнасы. Ұлы Абайдан бастап, Мағжан, Сәкен, Мұхтар сынды даналарымыз сөз өнерінің құдіретін паш еткен. Бізге сол мол мұраны дәріптеу, жас ұрпаққа жеткізу міндет.
Айлық аясында түрлі іс-шаралар ұйымдастырылады:
*Шығармашылық байқаулар*
*Көркемсөз оқу сайыстары*
*Эссе жазу жарыстары*
*Поэзия кештері*
*Кітап оқу марафондары*
*Үлгілі сабақтар*
Бұл шаралар – оқушылардың тіл байлығын арттырып, қазақ әдебиетіне деген қызығушылығын оятуға септігін тигізеді.
Тіл – ұлттың жаны. Оны құрметтеу, қорғау – әрбіріміздің парызымыз. Осы айлықта белсенділік танытып, ана тіліміздің құндылығын көрсетуге атсалысайық!
Айлық құтты болсын! Баршаңызға сәттілік!
Видео 1 Видео 2 Видео 3 Видео 4 Видео 5
