Отырар ауданы
Ш.Қалдаяқов атындағы мектеп-гимназиясында Отырар ауданының прокуратурасының тапсырмасына сәйкес 21.04.2025 жылы 8-11сынып оқушылары мен ата-аналар комитетінің төрағалары мен төрайымдарымен бірлескен “Қауіпсіз балалық шақ үшін” тақырыбында жиналыс өткізілді.
Жиналыста мектеп-гимназия директорының тәрбие ісі жөніндегі орынбасары А.Алтынбекова 2024-2025 оқу жылында “Біртұтас тәрбие” бағдарламасының жоспарына сәйкес атқарылған жұмыстар мен балалардың қауіпсіздігін қамтамасыз етуде атқарылған жұмыстар туралы баяндама жасады.Балаларға су айдындарындағы қауіпсіздік ережелері ,жол және өмір қауіпсіздік ережелері,ерте жүктіліктің,аутодеструктивті мінез -құлықтың алдын-алу,интернет желісіндегі қауіпсіздік діни деструктивті бағыттағы сайттардың қауіптілігі,кәмелеттік жасқа толмаған жасөспірімдер арасындағы құқықбұзушылықтың алдын-алу және болдырмау туралы жан -жақты түсінік жұмыстары жүргізілді.
Мектеп бітіруші түлектерге 25 мамыр қарсаңында автошеруге шығуға болмайтындығы,ақша жинауға ,кафелерде,көшеде түнгі беймезгіл уақыттарда жүруге болмайтындығы таныстырылды.
